Derbi Barça-Milan, vendoset 7 sekonda para fundit

Derbi i pjesës së poshtme të klasifikimit të Euroligës, ndërmjet Barcelonës dhe EA7 Milanos në Palau Blaugrana ka qenë një ndeshje fituesi i së cilës u përcaktua në sekondat e fundit të ndeshjes.

Edhepse Barcelona kishte epërsi në pjesën më të madhe të ndeshjes, milanezët arritën dalëngadalë rikthimin dhe pak para fundit të çerekut të tretë kapën epërsinë.

Sidoqoftë, çereku i fundit ishte tejet dramatik, ku herë njëra, herë pala tjetër kalonte në epërsi të ngushtë, derisa EA7 Milano kaloi në epërsi 81-83, 7 sekonda para fundit të ndeshjes.

TABELA AKTUALE E EUROLIGËS

Në sulmin e fundit edhepse ishin në trapez, asnjë nga dy tentimet nuk u fut në kosh dhe kështu katalonasit u pajtuan me humbjen.

Andrew Goudelock ka qenë më efikasi te EA7 Olimpia Milan, duke shënuar 20 pikë, ndërsa Arturas Gudaitis është dalluar me 16 pikë, 9 kërcime dhe 2 asistime në fitoren e ekipit të drejtuar nga Simone Pianigiani.

Te Barcelona, që lëshoi epërsinë e konsiderueshem nga dora dhe humbi në fund, më efikasi ishte Ante Tomic me 14 pikë të shënuara, 6 kërcime, 2 asistime dhe 2 topa të rrëmbyer.

Pas këtij dueli, skudrat kanë bilanc të njejtë, 7-14.