Disa ekipe bojkotojnë FBK-në!

Në një konferencë për media dje, të udhëhequr nga kreu i Besës, Arbër Elshani, disa klube kanë njoftuar se do të bojkotojnë garat e Superligës, derisa FBK do të drejtohet nga Erolld Belegu. 

Elshani si përfaqësues i kësaj inicative ka thënë se Besa, Peja, Bashkimi, Drita, Kastrioti, pastaj ekipet e Ligës së Parë, Ylli, Kosova, Kaçaniku dhe Malisheva do të bojkotojnë aktivitetin sportiv derisa Federata e Basketbollit të Kosovës të drejtohet nga Belegu, duke shpjeguar parregullsitë sipas tyre. 

Ai gjithashtu ka falenderuar edhe Fatmir Gashin ish kryetarin e FBK-së që e ka përkrah inicativën. 

Mirëpo, në një deklaratë për Zërin sot, Gashi ka mohuar të jetë i kyqur në këtë iniciativë dhe ka demantuar gjithçka çka ka thënë Elshani dje.