Do t’i shfrytëzojmë rastet!

Stërvitjet e përfaqësueses së Kosovës U18 po vazhdojnë siç është më së miri, ndërsa pas trajneres dhe kapitenes së reprezentacionit, kësaj radhe flet zëvendës kapitenja Ulpiana Emra. 

Ajo shpreson që Kosova të kthehet me ndonjë trofe nga Viena. 

“Me rëndësi është që ta përfaqësojmë Kosovën sa më mirë atje, mirëpo nëse na paraqitet një rast i vogël, ne do të luftojmë për të fituar edhe trofe, pse jo?,” ka thënë Emra e entuziazmuar dhe me plotë vetëbesim një javë para nisjen së vashave të kaltëra në Austri. 

Përfaqësuesja në të vërtetë nuk ka mungesa të mëdha në ekip, por Emra mendon se po të mos ishte e lënduar bashkëlojtarja Jakut Burri, ndoshta do të kishin punë më të lehtë. 

“Ajo u lëndua dhe nuk do të jetë me ne, mirëpo do të mundohemi të mbulojmë mungesën e saj me lojtare tjera që janë gjithashtu cilësore në atë pozitë,” ka thënë ndër të tjera Emra. 

Pas përgatitjeve të filluara në Prizren, përfaqësuesja ka kaluar në Gjilan e në fund do të zhvendoset në Prishtinë për të zhvilluar ndeshjen përgatitore me Sigal Prishtinën, para nisjes në turneun e Vienës, Basketball Wienn 2013. Për shumicën e basketbollisteve kjo do të jetë përvoja e parë ndërkombëtare. Kosova U18 femrat, niset me 25 mars për në Vienë.