Dominoi Kampioni

Gjiganti grek, Olympiacos, arriti fitoren e tretë  në Grupin F, duke mposhtur Fenerbahçen me rezultat 82-71. Feneri luftoi vetëm dy çerekët e para, ndërsa më pas epërsia e kampionit aktual u ngrit deri në 20 pikë, ku në fund ndeshja përfundoi në favor të tyre.

Më i miri tek vendasit ishte MVP-ja, Vassilis Spanoulis, i cili luajti me 15 pikë e 5 asistime, në anën tjetër Bojan Bogdanovic dhe Bo McCalebb luajtën me nga 20 pikë secili, të cilët nuk mjaftuan për fitoren e turqëve. Feneri tani krahas skuadrës me plot yje, rrezikon për mos kualifikimin nga grupi.

Olympiacosi tani ka bilanc prej 3 fitoreve e 3 humbjeve në Grupin F, ndërsa Feneri e regjistroi humbjen e 5-të dhe kanë vetëm një fitore.

Barça vendoset në krye të tabelës në Grupin F

Barcelona Regal e mposhti Montepaschi Siena-në me rezultat 85-66. Kjo ishte humbja e parë e Siena-së, tani Barcelona u barazua me skuadrën italiane dhe u ngrit në krye të tabelës me 5 fitore e një humbje.

Real Madridi nuk po ndalet

Los Blancos regjistruan fitoren e gjashtë në Grupin E, ku e mposhtën nënkampionin europian, CSKA Moska, në vazhdime me rezultat 86-78. Në ndeshje shkëlqeu Jaycee Carroll me 31 pikë.

EUROLEAGUE/ REZULTATET E TAKIMEVE/ XHIRO VI