Drita merr lojën në çerekun e fundit

Drita ka arritur që të mposht RTV 21-shin sonte në Gjilan me rezultat 91-82. Ekipi i Gyltekin Selimit nuk ia nisi mirë ndeshjes pasi që prishtinasit kishtin epërsi deri në fund të çerekut të tretë. 

RTV 21 ia nisi mirë, krijoi epërsi mbi 10 pikë, por kjo sa shkonte koha vinte duke u ulur. E në fund Drita u ndez për të shkuar në epërsi dhe për të fituar ndeshjen. 

Shamar Cooms dhe Filip Toncinic kanë qenë për 40 minuta në fushë duke mos pasur asnjë sekond pushim. Ata janë dalluar më së shumti në ndeshje duke ia sjellë fitoren bardhekaltërve nga Gjilani, ku Cooms ka shënuar 26 pikë, derisa kroati 18 të tjera. 

Te ekipi humbës, Grant Maxey dhe Chris Hyche, kanë qenë më efikas - ku i pari ka shënuar 29 pikë e i dyti 24 pikë të tjera. 

Rezultatet dhe tabela aktuale.