DRITA
Drita transferon qendrën e Teodos
22 November, 2013 @0:32
Skuadra e Dritës është rritur për 205 centimetra. Gjilanasit kanë transferuar qendrën amerikane të Teodos, Takais Brown.
Në të vërtetë Brown nuk është i huaj për Kosovën. Ai ka qenë javën e kaluar në Prishtinë me skuadrën e tij, Teodo, për ta zhvilluar ndeshjen me Sigal Prishtinën në kuadër të Ligës Ballkanike, ndërsa takimin e kishte përmbyllur me 4 pikë e 5 kërcime për vetëm 9 minuta sa qëndroi në parket.
Transferimin e amerikanit të ri të gjilanasve për Borozani.com e konfirmoi edhe menaxheri i klubit, Fazli Fazliu, i cili tha se basketbollisti në fjalë pritet të arrijë të shtunën në mëngjes dhe pritet të jetë i gatshëm për ndeshjen e së dielës ndaj Besës.
Brown më parë ka luajtur edhe në skuadra të ndryshme në Slloveni, Finlandë, Amerikë etj.
Drita deri më tani ka arritur të regjistrojë 4 fitore në 8 ndeshje, kurse kundërshtari i radhës i gjilanasve, Besa, ka dy fitore më pak.
