NË PRISHTINË
Nga dueli i pjesës së parë të stinorit ndërmjet Bashkimit dhe Prishtinës/ BOROZANI/ D.S.
Dueli i fundit para Play-Offit
8 April, 2016 @13:05
Skuadra e Sigal Prishtinës sonte me fillim prej orës 19 pret Bashkimin në Pallatin e Rinisë dhe të Sporteve, në një ndeshje që pritet të jetë stërvitje e fundit për bardhekaltërit para dueleve finale të ligës ballkanike.
Ekipi i Antonis Constantinides duket të jetë në formë të mirë dhe të gjithë e dijmë se me mend janë te Mornari përkundër se përballë kanë Bashkimin.
Si Sigal Prishtina, ashtu edhe Bashkimi kanë siguruar tashmë vendet e tyre në tabelë dhe do të përballen edhe në gjysmëfinale të Play-Offit të Superligës, pasi që të përfundojë stinori i rregullt.
E Bashkimi, në një anë mund të mas forcën reale që e ka tash, pas largimit të lojtarëve kyq të huaj që i kishte, përkundër se vendorët kanë mbetur.
Të kujtojmë, Sigal Prishtina është kampione aktuale e Kosovës, fituese e Kupës së këtij viti dhe mbrojtës titulli në ligën ballkanike.
INFO:
| Ndeshja referohet nga treshja: | Daut Mehmeti, Xhelal Mumini, Xhavit Beqiri. | ||
| Duelet në mes veti në Superligë 2015/16: | Sigal Prishtina 2-1 Bashkimi | ||
| Duelet në Kupë të Kosovës 2015/16: | Sigal Prishtina 1-0 Bashkimi |
