E 70-ta për histori

Atë që e kishte arritur vetëm Chicago Bulls i Michael Jordanit, e ka arritur sonte edhe Stephen Curry me shokët e Golden State Warriorsit.

Kampion aktual i NBA-së ka shënuar fitoren e 70-të të stinorit, rekord ky që e ka arritur vetëm Chicagoja e stinorit 1995/96.

Curry ka shënuar 27 pikë dhe 9 asistime në fitore ndaj San Antonio Spursit, ndërsa Harisson Barnes ka regjistruar 21 pikë e 8 kërcime në këtë fitore.

Pas kësaj ndeshjeje Golden State Warriors mban shpresat që të thyejë edhe rekordin historik të Chicago Bulls.

TABELA AKTUALE E NBA

Warriors aktualisht ka bilanc 70-9, rekordi i Chicagos është 72-10, ndërsa Curry me kompani ka edhe 3 ndeshje tjera deri në fund të stinorit të rregullt.

San Antonio Spurs me këtë humbje ka bilanc 65-13, e më efikasi në ekip sot ka qenë Kawhi Leonard me 23 pikë, që nuk arriti ta ndalojë ekipin kampion nga fitorja e radhës.