Dy ndeshje moslojë për Handzicin

Trajneri i Trepçës, Ilir Selmani, në dy ndeshjet e radhës kundër Pejës dhe Besës, nuk do të mund të llogaris për qendrën boshnjake, Fikret Handzic.

Basketbollisti 33 vjeçar është dënuar me dy ndeshje moslojë nga Federata e Basketbollit të Kosovës, për shkak të gabimit diskualifikues gjatë ndeshjes kundër Vëllaznimit, të cilin e morri pasi e goditi qëllimisht me kokë basketbollistin kroat të Vëllaznimit, Marijo Hajdic.

Handzic, përveç dënimit për moslojë është i detyruar ta paguaj gjobën prej 600 euro. Dënime me para kanë marrë edhe trajnerët e Trepçës dhe Vëllaznimit për shkak të gabimeve teknike të bankinave përkatëse, derisa klubi gjakovar është dënuar me 200 euro për shkak të hudhjes së gjësendeve nga tifozët dhe futjes së personave të paautorizuar në fushë.

Pejës i kushton ‘festa e tepëruar’!

Hyrja e tifozëve pejanë në fushë menjëherë pas përfundimi të ndeshjes, për ta festuar fitoren ndaj Sigal Prishtinës, i ka kushtuar verdhezinjëve. Skuadra e Pejës për këtë arsye është dënuar me 100 euro, derisa edhe 50 euro të tjera është dënuar për shkak të hudhjes së gjësendeve të buta në fushë të lojës.

Në ndeshjen tjetër të kësaj jave, ndërmjet Kastriotit dhe Yllit, janë dënuar për shkak të gabimeve teknike të trajnerëve Visar Xhemajli dhe Agron Berisha, si dhe basketbollistit të Yllit, Najee White, derisa ndeshja e vetme që ka rezultuar pa asnjë dënim ka qenë ajo ndërmjet Besës dhe Bashkimit.

Shiko tabelën aktuale të SUPERLIGËS.

Vendimet e FBK-së pas xhiros së IX të Superligës