Samiri është mirë

Ylli i Pejës, Samir Shaptahovic, pas lëndimit të frikshëm që e morri mbrëmë 18 sekonda pa përfunduar ndeshja Peja - Sigal Prishtina, është raportuar të jetë mirë me shëndet. 

Samiri që u godit gjatë sulmit te Edin Bavcic, u rrëzua në tokë dhe nuk u zgjua, derisa reagimi i menjëhershëm të mjekëve të Sigal Prishtinës, atij ia shpëtoi jetën (kthim i gjuhës). 

Raporti i ndeshjes së mbrëmshme, Peja - Sigal Prishtina

Klubi pejan në faqen zyrtare ka falenderuar ekipin mjekësor të rivalit të madh, derisa gjithashtu kanë raportuar se ai është paraqitur sot në stërvitje të rregullta të ekipit verdhezi. 

“A fituam?” ka qenë pyetja e Samirit pak sekonda pasi që kishte përfunduar ndeshja kur u këndell pas rrëzimit pa ndjenja në tokë. 

Po, Peja kishte fituar rivalin më të madh të saj në vend, Sigal Prishtinën, me një pikë epërsi. 

Tabela aktuale dhe ndeshjet e radhës në Superligë

Pas kësaj fitoreje të Pejës, Sigal Prishtina vazhdon të udhëheq në tabelë të klasifikimit falë koshaverazhit më të mirë, derisa kanë bilanc të njejtë me ekipin nga Karagaçi, 8-1.