KËRKOJNË PLAY-OFFin
E gjashta me radhë për Lipjanin
13 March, 2016 @22:12
KB Lipjani ka shënuar edhe fitoren e gjashtë me radhë në Ligë të Parë, në pjesën pranverore të saj. Ekipi në fjalë ka mposhtur sot në mënyrë rutinore Kaçanikun si mysafir dhe atë bindshëm, 52-80.
Ndër lojtarët më të dalluar te Lipjani kanë qenë F. Vitia me 24 pikë e 11 kërcime të regjistruara në ndeshje, derisa F. Sopa ka shtuar 17 pikë të tjera në fitore.
Te vendasit G. Tusha me 10 dhe R. Lika me 9 pikë kanë qenë më efikasit.
Në fakt, nëse llogaritet edhe ndeshja e fituar me rezultat zyrtar, atëherë kjo është fitorja e shtatë me radhë e Lipjanit në pranverë.
Pas kësaj ndeshjeje, Lipjani është me bilanc 11-6 dhe ka bërë të qartë luftën për Play-Off me Kosovën e Vushtrrisë.
Në anën tjetër, Kaçaniku vazhdon të jetë i fundosur në klasifikim.
