E shtata me radhë për Yllin

Ylli është bërë tashmë i pandalshëm. Djelmoshat e trajnerit Agron Berisha, kanë kaluar edhe pengesën e radhës në Superligë, Besën, për të shënuar fitoren e shtatë me radhë në elitë dhe të gjashtën në pjesën pranverore të saj. 

Suharekasit kanë mposhtur Besën në Karagaç të Pejës me mbi 20 pikë epërsi për të rikthyer pozitën e katërt në tabelë si dhe për tu bërë ekipi i pestë i Superligës që arrin fitoren e dhjetë të stinorit. 

Besa i ka bërë ballë Yllit vetëm në çerekun e parë, derisa mysafirët morrën epërsinë e plotë në fund të pjesës së parë të ndeshjes. 

Ndeshja vazhdoi në ritëm të njejtë edhe në çerekun e tretë, derisa në të katërtin Ylli krijoi një distancë të madhe për të shënuar fitoren e radhës. 

Agron Berisha i ka dhënë rast të gjithë basketbollistëve që të shijojnë ndeshjen, duke futur në lojë së paku njëherë çdonjërin prej lojtarëve që e kishte në dispozicion. 

Urim Zenelaj, ka qenë lojtari i ndeshjes sonte në Pejë. Qendra më e gjatë kosovare në Superligë, ka regjistruar indeks 37 të efiçiencës, duke qenë lojtari i vetëm në ndeshje me double-double. Derisa nga të huajt e Yllit, Hammork ka pasur performancë brilante sonte. 

Ylli, në xhiron e radhës do të luajë në palestrën e tij 13 qershori ndaj Sigal Prishtinës, ekip ky, i vetmi në Superligë që ka mbetur i pamposhtur së paku njëherë nga ‘ta. 

TABELA AKTUALE DHE REZULTATET

Statistikat individuale te Besa

Statistikat individuale te Ylli