NGA XHIROJA E SHKUAR
BOROZANI/D.S.
600€ gjoba nga FBK për xhiron që shkoi
13 February, 2015 @9:49
Federata e Basketbollit të Kosovës ka bërë të ditur gjobat e shpërndara pas xhiros së XVIII të Superligës, që u luajt fundjavën që shkoi.
Më së keqi në këtë xhiro ka pësuar kreu i klubit të Pejës, Art Gashi, që është gjobitur me 200€ për shkak të ofendimeve të drejtuara ndaj gjyqtarit Ardian Rrustemi pas ndeshjes Ylli-Peja, ku Ylli arriti të bëjë befasinë më të madhe të stinorit.
Dënimet tjera të shqiptuara janë kryesisht për gabime teknike, kryesisht për sjellje josportive.
Kështu, Fikret Handzic (Trepça) dhe Imer Tahiri (Vëllaznimi) për shkak të gabimeve teknike të përsëritura janë gjobitur me nga 100€, derisa Edmond Azemi (Sigal Prishtina) dhe Beqë Kovaqi (Besa) me nga 50€, për të njejtën gjë.
Pa dënim nuk ka shpëtuar as Bashkimi i Prizrenit, që për shkak të shkrepses së hudhur nga publiku në terren në ndeshje ndaj Sigal Prishtinës është gjobitur me 100€.
Xhiroja e radhës në Superligë nis sot.
Tabela aktuale dhe rezultatet e deritashme.
