E treta fitore me radhë, Llapi ruan formën dhe vazhdon ngjitjen

E treta fitore rresht për Llapin në ligë.

Sot podujevasit shënuan një fitore tejet të rëndësishme te Malisheva në udhëtim. Takimi në fjalë përfundoi 1-3 (Laurent Xhylani 52’ / Ardit Tahiri 45+3’, Valmir Veliu 45+4’, Elvir Gashijani 86’).

Pjesa e parë nisi me Malishevën më kërkuese, që iu afrua edhe golit në dy raste të ndryshme, por ishte Llapi skuadra që shënoi plot dy herë në këtë pjesë.

Krejt në fund të pjesës së parë, fillimisht Ardit Tahiri shënoi me portën zbrazur pas asistimit nga Valmir Veliu (45+3’), gol që u konfirmua me ndihmën e VAR-it, e një minutë më vonë (45+4’) Valmir Veliu shënoi për 0-2. Ky gol u asistua nga Elvir Gashijani.

Kjo është ndeshja e gjashtë rresht në të cilën Ardit Tahiri e gjen rrjetën. Në fakt, ai ka shënuar plot tetë gola në këto gjashtë ndeshje.

TABELA AKTUALE

Në minutën e 52’, Laurent Xhylani i Malishevës shënoi me kokë, i asistuar nga Altin Aliu, për ta ngushtuar rezultatin në 1-2, por goli i barazimit nuk erdhi në asnjë moment. Ishte Llapi që e vulosi fitoren me gol në cepin tjetër të fushës në minutën e 86’ për përfundimtaren 1-3. Edhe ky gol u konfirmua me ndihmën e VAR-it, e shënues ishte Elvir Gashijani, i asistuar nga Ardit Tahiri.

Goli i fundit i Llapit bën që treshja Veliu - Gashijani - Tahiri, ta mbyllin ndeshjen me nga një gol e një asist secili.

Në minutën e 88’, Besar Musolli i Llapit u përjashtua nga loja me karton të kuq, duke e lënë skuadrën e tij me 10 lojtarë në ato pak minuta sa kishin mbetur.

Për Malishevën kjo ishte humbja e dytë radhazi në ligë, pas asaj nga Ferizaji xhiron e kaluar.

Fitorja e sotme bën që Llapi ta sheh veten në mesin e tabelës, kurse Malisheva mbetet e parrezikuar në vendin e tretë.