Edhe një kosovar në përfaqësuesen turke

E ardhmja e përfaqësueses së Turqisë pritet të jetë e varur edhe nga një tjetër basketbollist nga Kosova.

Pas Kenan Spahisë, i cili kishte shkëlqyer me përfaqësuesen U-18 të Turqisë në Eurobasket 2013 duke u shpallur MVP dhe tashmë është bërë një prej shtyllave më të rëndësishme të përfaqësueses së parë, do të mund të shohim edhe një tjetër kosovar me fanellën kuq e bardhë të Turqisë.

Fjala është për Enis Spahinë, vëllaun e vogël të Kenanit.

Enisi është ftuar në kampin përgatitor të Turqisë për Kampionatin Europian 2015 për gjeneratat 1999-2000. Ai po vlerësohet si një basketbollist me potencial të madh dhe një prej lojtarëve kyq të ekipit të të rinjëve të Turqisë.

Enisi 15 vjeçar është pjesë e skuadrës turke, Tofas, sikurse që ka luajtur më parë edhe vëllau i tij, Kenani.