Efes mbi Unicsin

Skuadra e Anadolu Efesit përkundër pjesës së parë pak më të dobët se rivali, ka arritur që të këndellet tërësisht në fillim të pjesës së dytë (çereku i tretë) për të fituar ndeshjes ndaj Unicsit sonte.

Ekipi turk ishte në disavantazh prej 5 pikëve pas 20 minutave lojë, ndërsa në çerekun e tretë kanë shënuar 12 pikë më shumë se kundërshtari për të çuar ndeshjen në mënyrë stabile deri në fund dhe për ta fituar atë.

TABELA AKTUALE

Më meritori për këtë fitore të Efesit sonte ka qenë Thomas Heurtel. Ai ka shënuar 24 pikë dhe ka dhënë 8 asistime për bashkëlojtarët në fitore, ndërsa u ndihmua me pikë edhe nga Deshaun Thomas që shënoi 20, ndërsa Cedi Osman dha 16 pikë të tjera në këtë fitore.

Në anën tjetër, double-double i Arstiom Parakhouskit me 20 pikë e 10 kërcime nuk qe i mjaftueshëm për Unicsin e Kazanit.