El Clasico fantastike - e Realit

Basketbollistët e Real Madridit kanë arritur që të mposhtin Regal Barcelonën dhe të shkojnë në finale të Euroleague. 

Pas një super ndeshjeje nga të dyja palët ku epërsia ndërrohej herë në të mirë të njërës, herë  në të mirë të tjetrës skuadër, por asnjëherë nuk kaloi maksimumin prej nëntë pikëve epërsi - Real doli të jetë më efektiv në fund dhe fitoi me rezultat 74-67. 

Bllokimi i tërësishëm i basketbollistit më të mirë të Barcelonës, Juan Carlos Navarro, në pjesën e dytë ka qenë arsyeja kryesore e fitores së madrilenëve. 

Ndërsa për të mirë ka befasur Felipe Reyes i Real Madridit, i cili ka shënuar rekord pikët personale në këtë stinor, 17, për të qenë njëra ndër arsyet e fitores, bashkë me Sergio Rodriguezin, i cili postoi nëntë asistime vdekjeprurëse për kundërshtarin. 

Real Madrid do të ndeshet me kampionin aktual të Europës, Olympiacos, në finalen e së dielës në O2 Arena të Londrës, ku për herë të parë po mbahet ajka e basketbollit europian, Final Four.

Video

Çastet më interesante nga ndeshja Regal Barcelona - Real Madrid

FINAL FOUR - EUROLEAGUE

O2 Arena - Londër

Regal Barcelona - Real Madrid

67-74

TOP 5 koshashëshënuesit e Barcelonës:

1	Marcelinho Huertas	19 pikë	2 asistime	6 kërcime
2	Ante Tomic	18 pikë	1 asistim	12 kërcime
3	Juan Carlos Navarro	9 pikë	2 asistime	1 kërcim
4	Erazem Lorbek	6 pikë		5 kërcime
5	Sarunas Jasikevicius	6 pikë

TOP 5 koshashënuesit e Real Madridit:

1	Felipe Reyes	17 pikë	1 asistim	5 kërcime
2	Sergio Llull	13 pikë		4 kërcime
3	Sergio Rodriguez	12 pikë	9 asistime	1 kërcim
4	Rudy Fernandez	8 pikë	4 asistime	5 kërcime
5	Marcus Slaughter	6 pikë		3 kërcime