TRANSFER
BOROZANI/ Erdis Driza
Elvan Iljazi në Adanaspor
30 January, 2014 @11:11
Ikja e basketbollistëve nga skuadra e RTV 21 nuk ka të ndalur. Pas largimit të Samir Zekiqit në Trepçë, Urim Zenelajt në Sigal Prishtinë, Ujkan Karanezit në Bashkim dhe Erris Nushit, i cili është fare pranë transferimit në Pejë, nga Teleboysat është larguar edhe Elvan Iljazi.
Basketbollisti 21 vjeçar është transferuar në skuadrën nga kategoria e tretë e Turqisë, Adanaspor, që për synim sivjet e ka ngritjen në një kategori më sipër.
Në skuadrën e re të Iljazit, ditë më parë ishte transferuar edhe ish bashkëlojtari i tij në RTV 21, Ersan Ozseven.
Iljazi në Turqi do të llogaritet si basketbollist vendor, pasi që përveç nënshtetësisë kosovare, e posedon edhe nënshtetësinë e këtij vendi.
