Levski përforcohet para ndeshjes me Pejën

Kundërshtarja e radhës e Pejës në kuadër të ligës ballkanike, Levski Sofia, është përforcuar me një basketbollist me përvojë të madhe. 

Bëhet fjalë për alon amerikane Michael Wilkinson që së fundi ka luajtur me Unicsin e Kazanit në ligën elite të basketbollit rus. 

Wilkinson i cili më parë ka bërë karrierë edhe në ekipe si Lokomotiv, Galatasaray dhe Aris ka edhe nënshtetësi maqedonase dhe ka pasur mesatare prej 13.8 minutave në ligën ruse, ku ka shënuar 3.8 pikë mesatarisht dhe 3 kërcime. 

Wilkinson 32 vjeç do të debutojë në Balkan League ndaj Kozuvit këtë javë, derisa presin Pejën javën tjetër në Sofje.