Enisey mposht Demir IBB në duelin e parë

Njëri ndër çiftet më interesante të së tetës së finales së FIBA Europe Cup, është dueli i dy ekipeve që ishin në një grup me Sigal Prishtinën, Enisey dhe Demir IBB.

Dy skuadrat pasi që u kualifikuan nga i njëjti grup në fazën e parë dhe kaluan pa telashe edhe fazën e dytë të FIBA Europe Cup, pas shortit është dashur të takohen në të tetën e finales së kësaj gare.

Duelin e parë të zhvilluar sot në Rusi e fitoi Enisey me 10 pikë dallim, 91-81, ndërsa lojtari i tyre Frank Elegar ka vazhduar me performanca të shkëlqyera duke shënuar double-double në fitore, prej 13 pikëve dhe 11 kërcimeve.

Ndeshja e kthimit zhvillohet më 22 shkurt në Stamboll, ndërsa ekipi turk duhet të fitojë me mbi 10 pikë epërsi për të siguruar çerekfinalen.