FIBA EUROPE CUP
Enisey radhit fitoret në grupin e Prishtinës
25 October, 2016 @16:56
Pasi e fitoi takimin e parë ndaj Rilskit, skuadra e Eniseyt ka shënuar fitore edhe në ndeshjen e dytë ndaj skuadrës turke Demir IBB. Ndeshja u mbyll me shifrat 90-81 në të mirë të skuadrës ruse.
Kjo ndeshje u luajt në kuadër të Grupit H të FIBA Europe Cup, grup në të cilin bën pjesë edhe Sigal Prishtina, e cila takimin e xhiros e luan nesër ndaj Rilskit në Prishtinë.
Ishte pikërisht skuadra turke Demir IBB ajo që e mposhti Prishtinën në xhiron e parë, mirëpo sot turqit u mposhtën nga skuadra ruse Enisey, e cila është favoritja për ta mbyllur Grupin H si lidere.
Sa i përket statistikave, më i dalluri tek skuadra ruse ishte Frank Elegar me 20 pikë e 11 kërcime, kurse për Demirin u dalluan Hayes me 18 pikë dhe Hannah me 12 pikë, 5 kërcime e 7 asistime.
Xhiron e ardhshme, Enisey do të jetë kundërshtar i Prishtinës, kurse Demiri luan ndaj Rilskit.
