Fillon epoka e Pejës

Ekipi i Pejës është kampioni i ri i Kosovës në basketboll. Verdhezinjtë me fitoren e fundit ndaj Sigal Prishtinës 84-73 e përfunduan serinë finale me rezultat 3-0 dhe arritën të stolisen me titullin.

Ndeshja filloi me bombardimet e basketbollistëve pejan, të cilët 15 pikët e para i shënuan nga trepikëshet me anë të Samir Shaptahovicit, Dardan Berishës, Alban Veselit dhe Gerti Shimës.

Mirëpo, megjithatë çereku i parë përfundoi me epërsinë minimale 23-24 të Sigal Prishtinës, e cila arriti t’i përballojë snajperistët pejan me anë të lojës efikase të Granit Rugovës.

Çereku i dytë ishte edhe pikëshkëputja në rezultat. Pejanët këtë pjesëlojë e përmbyllën me avantazh prej 18 pikëve dhe kjo epërsi nuk u thye deri në fund të ndeshjes.

Dyshja pejane, Dardan Berisha dhe Samir Shaptahovic ishin të pandalshëm për mbrojtjen e bardhekaltërve. Të dy së bashku shënuan 55 pikë, përkatësisht 30 nga Dardani dhe 25 nga Samiri, kurse Granit Rugova ishte koshashënuesi më i mirë për prishtinasit me 22 pikë.

Në fund, përveç kupës së kampionit për Pejën, i’u dha edhe çmimi Basko Samir Shaptahovicit si basketbollisti më të mirë i këtij muaji.

Rezultatet e serisë finale

Ndeshja e parë	Peja - Sigal Prishtina	71 - 43	(1-0)
Ndeshja e dytë	Sigal Prishtina - Peja	58 - 66	(0-2)
Ndeshja e tretë	Peja - Sigal Prishtina	84 - 73	(3-0)

PEJA (Statistikat individuale)

1	Dardan Berisha	30 pikë	4 kërcime	3 asistime
2	Samir Shaptahovic	25 pikë	3 kërcime	2 asistime
3	Gerti Shima	7 pikë	6 kërcime	2 asistime
4	Alban Veseli	7 pikë	5 kërcime	2 asistim
5	Blerim Mazreku	6 pikë
6	Ersid Ljuca	5 pikë	3 kërcime
7	Rron Grapci	3 pikë	2 kërcime
8	Vigan Radoni	1 pikë	1 asistim
9	Cyril Awere	0 pikë	5 kërcime	2 bllokada

SIGAL PRISHTINA (Statistikat individuale)

1	Granit Rugova	22 pikë	2 asistime	2 kërcime
2	Fisnik Rugova	17 pikë	8 kërcime	1 asistim
3	Julian Terrell	11 pikë	7 kërcime	1 asistim
4	Akida McLain	11 pikë	1 kërcim
5	Fahri Breca	6 pikë	4 asistime
6	Hekuran Binxhija	4 pikë	3 kërcime	3 asistime
7	Edmond Azemi	2 pikë	3 asistime	2 kërcime