LIVE: Peja kampione e Kosovës

ÇEREKU I PARË: 

Ndeshja e tretë finale e BKT Superligës në basketboll ka filluar në mënyrë tejet interesante. Luftë sportive në të dyja anët, ku Samir Shaptahovic e Dardan Berisha mbajnë barrën kryesore tek skuadra pejane. 

Mirëpo, në anën tjetër vëllezërit Rugova te ekipi i Ahmet Kandemirit, po kalojnë një natë të shkëlqyeshme, ku Fisniku nën kosh ndërsa, Graniti me depërtime dhe shut - s’po e lënë Pejën rehat. Të dy bashkë shënojnë 15 pikë për fituesin e Kupës së Kosovës. 

Çereku i parë përfundon me epërsinë e lehtë të prishtinasve 23-24. 

ÇEREKU I DYTË: 

Peja ia nisi furishëm çerekut të dytë dhe me ndërrime të shpeshta, Rudolf Jugo, arrin të gjejë zgjidhje ndaj vëllezërve Rugova, duke i ndalur ata. 

Pastaj provoi me Ersid Ljucën që nuk i shkoi, derisa futi Blerim Mazrekun në lojë që ngriti epërsinë pejane në më të madhe në ndeshje, kontribuuar nga bashkëlojtarët e tij. 

Granit Rugova ka marrë gabimin e tretë personal që mund të jetë hendikep për Sigal Prishtinën në pjesën e dytë, pasi që është njeriu që po bën gjithçka në sulmin e të kaltërve. 

Pikët e Dardan Berishës në fund të pjesës së parë dhe të Samir Shaptahovicit, për t’ia dhënë Pejës epërsinë më të madhe në ndeshje - prej 18 pikëve, 55-37.

ÇEREKU I TRETË: 

Peja ka vazhduar shkëlqimin edhe në çerekun e tretë dhe tashmë është shumë afër titullit të kampionit. 

Si lojë, çereku i tretë kalon më së dobëti, nga të dyja palët, por Peja mbron epërsinë duke e arritur fundin e çerekut me rezultat 70-55.

ÇEREKU I KATËRT: 

Përkundër se Sigal Prishtina në fillim të çerekut të katërt ia nisi të ngushtojë epërsinë e pejanëve, me treshet e Dardan Berishës, Peja mbajti distancën e pikëve. 

Pas tresheve të Dardan Berishës, Sigal Prishtina, humbi edhe ato shpresa që kishte në fund duke vazhduar ndeshjen deri në sekondat e fundit për ta përfunduar atë. 

Kështu Peja arrin titullin e parë të kampionit të Kosovës, pas titullit në ligën LPBK të vitit 2004.

PESËSHET E PARA TË SKUADRAVE:

Peja:	Samir Shaptahovic, Alban Veseli, Dardan Berisha, Gerti Shima dhe Cyril Awere
Sigal Prishtina:	Fahri Breca, Granit Rugova, Edmond Azemi, Fisnik Rugova dhe Julian Terrell.

PLAY OFF - FINALJA - NDESHJA E TRETË - LIVE SIPAS ÇEREKËVE

1	Peja - Sigal Prishtina	23-24	Çereku i parë
2	Peja - Sigal Prishtina	55-37	Çereku i dytë
3	Peja - Sigal Prishtina	70-55	Çereku i tretë
4	Peja - Sigal Prishtina	84-73	Çereku i katërt