DREJT FIBA-së
FBK dorëzon aplikacionin për pranim në FIBA
5 February, 2015 @16:43
Federata e Basketbollit të Kosovës, sot edhe zyrtarisht ka dorëzuar aplikacionin për pranim në FIBA.
Njoftimi është bërë i ditur nga vetë faqja zyrtare e FBK-së, derisa krerët e FBK-së shihen në fotografi duke dorëzuar aplikacionin zyrtarisht në duart e Sekretarit të Përgjithshëm të FIBA-së, Patrick Baumann dhe kryetarin e FIBA Europe, Turgay Demirel.
“Zyrtarët e FIBA Evropës po ashtu konfirmuan se Kosova pritet të garojë në kampionatet evropiane për kategori të reja pas konfirmimit zyrtar nga KE i FIBA-s. Rreth grupmshave që do të garojnë në kampionate evropiane, detajet do të dihen në muajin mars. Zyrtarët e lartë të FIBA-s dhe shefi i zyrës ligjore të FIBA-s Benjamin Cohen konstatuan se aplikacioni i Kosovës është një dokument shumë cilësor dhe përmban të gjitha elementet që kërkohen nga zyra e tij,” shkruhet ndër të tjera në njoftimin e lëshuar nga FBK sot.
Kryetari i FBK-së, Erolld Belegu, Sekretati i Përgjithshëm, Leart Hoxha dhe anëtarët e Bordit, Valton Bilalli dhe Arben Fetahu, kanë qenë prezent këto dy ditë në zyret e FIBA-së, ku kanë kryer punë kolosale për basketbollin e vendit.
