Fenerbahçe dominon edhe Buducnostin

Skuadra turke Fenerbahçe, vazhdon të dominoj në Euroligë. Fitoren e 13 nënkampionët e arritën kundër Buducnostit duke e mposhtur me rezultat 65-89.

Pjesa e dytë ishte ajo që e përcaktoi fituesin, pasi që lojtarët e Obradovicit ishin shumë më të vëmendshëm në mbrojtje, duke i pësuar vetëm 25 pikë dhe duke i shënuar 49 pikë.

I zakonshmi Jan Vesely me 19 pikë dhe 9 kërcime dhe Joffrey Lauvergne me 17 pikë dhe 6 kërcime shkëlqyen te mysafirët, derisa te vendasit i vetmi që ishte në natën e tij ishte Earl Clark me 15 pikë.

TABELA AKTUALE

Feneri vazhdon të qëndrojë në vend të parë me bilancin 13-1, ndërsa Buducnost ka bilanc 3-11.