I IKËN PJESËS SË POSHTME ME FITORE
Ferizaji fiton, i largohet pak rrezikut
29 March, 2025 @22:48
Pas dominimit në pjesë të parë me raste dhe me lojë, Ferizaji ka arritur që në pjesë të dytë me dy gola të shpejtë të sigurojë fitoren ndaj Dukagjinit, Ferizaji - Dukagjini 2-1 [Ardit Topalaj 50’, Erion Sadriu 52’—Victor Hugo 66’].
Ka qenë mbrojtësi Topalaj që shfrytëzoi tollovinë në zonë për epërsi, ndërsa shpejt pas tij, Sadriu shënoi nga afërisa, pasi që topi i dëbuar nga portieri ra para tij. Dukagjini shënoi super gol me Hugon për të ulur rezultatin, por pamjaftueshëm për më tepër, pasi që vendasit përsëri zotëruan rastet.
Ferizaji mbyllë xhiron XXVI me 35 pikë, pas fitores së 10 sezonale dhe atë në pozitë të gjashtë. Dukagjini është në pozitë të barazhit (tetë) me 32 pikë, dy më shumë sesa Llapi (i nëntë) në zonë të rënies.
