LLAPIT I IKË FITORJA NË FUND!
Sunday shpëton Ballkanin nga humbja!
29 March, 2025 @22:49
Përkundër intervenimeve të pandërprera të Marijan Coricit në portë të llapjanëve, në fund të ndeshjes Ballkani ka gjetur rrugën për barazim të rezultatit pas tollovisë në zonë derisa Sundaj Adetunji shënoi nga afërsia, për rezultatin përfundimtar, Llapi - Ballkani 1-1 [Ardit Tahiri 28’pen.—Sunday Adetunji 90’+1].
Llapi dominoi pjesën e parë. Ballkani thuajse ishte inekzistent në këtë pjesë, derisa pos golit të epërsisë nga penalltia, ka qenë Valmir Veliu që humbi një rast të madh para portës mysafire. Fillimi i pjesës së dytë nisi mirë për Llapin, por Ballkani mori iniciativën dhe dukshëm më kërkueshëm për gol, kishte disa raste - që të gjitha mbroheshin suksesshëm nga Coric në formë sot, deri në momentin e kohës shtesë kur nigeriani i suharekasve shfrytëzoi rastin për të shkëputur pikë.
Ballkani mbyllë xhiron XXVI në pozitë të dytë me 41 pikë, tashmë 13 pikë pas Dritës lidere, ndërkaq Llapi është i parafundit (pozita e nëntë, zonë e rënies) me 30 pikë nga po aq ndeshje.
