Filloi Kampi përzgjedhës

Sot në Pallatin e Rinisë dhe të Sporteve në Prishtinë, ka filluar Kampi Përzgjedhës i organizuar nga Federata e Basketbollit e Kosovës, i cili do të shërbejë për të përzgjedhur basketbollistët nga grupmoshat 2000/2001 që do ta formojnë përfaqësuesen e kësaj grupmoshe të Kosovës.

Në ditën e parë të kampit ishin të pranishëm afro 200 fëmijë, të cilët do t’i zhvillojnë dy stërvitje nën udhëheqjen e trajnerit amerikan, Chris Dial, derisa trajnerët vendorë Dritëro Sefaja, Fidan Shatri, Edon Godeni dhe Petrit Zeqiri, do ta kryejnë detyrën e ndihmësit të tij.

Numri i fëmijëve do të zvogëlohet sipas përzgjedhjes së trajnerëve menjëherë pas stërvitjeve të para, e që më pas ky numër do të zvogëlohet gradualisht deri në formimin e një grupi me të cilin do të punohet në vazhdimësi si pjesë e reprezentacionit të Kosovës për grupmoshat përkatëse, njofton faqja zyrtare e FBK-së.

Kampet përzgjedhëse synohet të jenë tradicionale tash e tutje nga FBK-ja.