Duan titullin e ligës ballkanike

Fituesja e të gjitha trofeve në këtë vit në basketbollin kosovar, Sigal Prishtina, ka bërë të ditur që është duke kërkuar që të triumfojë në ligën ballkanike këtë stinor. 

Konfirmohet largimi i McGhee

Në një njoftim të klubit lidhur me largimin e qendrës amerikane, Gary McGhee, ata kanë bërë të ditur se janë duke punuar që të përforcojnë ekipin ashtu që të fitojnë BIBL-në. 

Largimi i Gary McGhee

“Sigal Prishtina po punon në drejtim të përforcimit të ekipit, duke tentuar të krijojmë një ekip të fortë për ta fituar BIBL-në. Janari do të na gjejë ndryshe!” është thënë në njoftimin e klubit bardhekaltër të botuar në faqen zyrtare të tyre në Facebook sot. 

Janari me super transfere

Statistika nga Balkan League

“Ditëve në vijim do t’i zbuojmë vendimet, ndër to edhe super-transferet e radhës,” ka shkruar në fund njoftimi i Prishtinës. 

Sigal Prishtina stinorin e kaluar kishte arritur kualifikim të drejtpërdrejtë në Final Four të Balkan League dhe kishte fituar organizimin e saj. 

Ndeshjet e radhës dhe Tabelat aktuale në BIBL

Kërkohet titulli

Këtë stinor, bardhekaltërit gjinden në Grupin B të ligës ballkanike dhe aktualisht janë në vend të dytë, pas Kozuvit të Maqedonisë. Edhe tre xhiro kanë mbetur për të nisur faza tjetër e garave, ku Sigal Prishtina veçse e ka siguruar kualifikimin. 

Kësaj radhe, klubi më i trofeshëm në vend, kërkon të stoliset edhe me një titull rajonal në basketboll që do të ishte kurorëzim i stinorit të suksesshëm nga viti që po shkon.