Largohet McGhee!

Qendra amerikane e ardhur së voni në Prishtinë, te Sigal Prishtina, Garry McGhee, ka arritur marrëveshje me ekipin Breogan Lugo nga liga spanjolle, LEB Gold. 

Njoftimin e ka bërë të ditur faqja basketbollistike, Eurobasket, derisa 26 vjeçari nga Superliga e Kosovës do të vazhdojë stinorin në Spanjë. 

McGhee që erdhi si zëvendësim për Aaron McGhee, ka kaluar me mesatare prej 9.8 pikëve për ndeshje, 6.2 kërcimeve dhe 1.8 bllokadave te bardhekaltërit gjatë ndeshjeve që i zhvilloi në Superligë, derisa ka zhvilluar edhe dy ndeshje në BIBL, ku ka regjistruar 2.5 pikë për ndeshje dhe 10 kërcime si mesatare. 

Vetëm një ditë më parë, trajneri i Prishtinës, Sabit Hadzic, kishte paralajmëruar se i duhen dy përforcime skuadrës dhe njëra nga ato përfshinte pozitën e Gary McGhee-së. 

Deklarat e Hadzic, një ditë më parë

Zyrtari i ekipit Florian Miftari ka thënë për Kohën Ditore se klubi ka qenë i pakënaqur nga kontributi i lojtarit për skuadrën dhe e ka liruar.