Mocnik falenderon tifozërinë pejane

Slloveni Jan Mocnik, për një kohë të shkurtër me asistimet dhe trepikëshat e tij, arriti të hyjë në zemrat e tifozëve verdhezi nga qyteti i Pejës. 

Pas largimit të befasishëm të tij dje, ai ka shkruar një letër falenderimi për tifozët e ekipit duke përfshirë edhe klubin këtu. 

“Kam marrë shumë mesazhe pozitive nga ju, tifozë të Pejës. Nuk doja të largohesha nga Peja për shkak se kalova një kohë shumë të mirë aty. Mirëpo, kështu e ka profesionalizmi. Sigurojuni se nuk do t’ju harrojë! Gjithashtu dua t’ju them falemnderit për përkrahje, bashkëlojtarëve, trajnerit, kryetarit dhe stafit të klubit,” ka shkruar ndër të tjera Mocnik që iku në drejtim të vendlindjes së tij për të luajtur për Helios Domzalen në ligën elite të Sllovenisë.