Finale dramatike, Veseli vulos fitoren

Seria finale e Play Offit ndërmjet Pejës dhe Sigal Prishtinës ka filluar me një superndeshje që kishte përfundim mjaft dramatik.

Tifozët e pranishëm në sallën Karagaçi në Pejë, festuan fitoren e madhe pas pikëve të Alban Veselit, i cili shënoi në sekondat vendimtare.

Dueli sipas çerekëve

Çereku i parë i takoi Pejës, që e morri këtë 10 minutësh me 8 pikë epërsi.

Pastaj Prishtina u këndell në të dytin duke e fituar atë me 8 pikë epërsi, duke barazuar gjithçka para pushimit të pjesëve.

Në pjesën e dytë Prishtina morri 10 minutëshin e tretë duke e krijuar epërsinë 4 pikëshe, të cilën arriti ta ruaj deri 3 minuta para fundit të takimit, kur Alban Veseli me dy pikësh e kaloi skuadrën e tij në epërsi 71-70.

Nga ky çast, rezultati kalonte herë në të mirë të njërës, e herë tjetrës skuadër, ndërsa vetëm 12 sekonda para fundit, më mirë u gjend skuadra e Prishtinës që kishte epërsinë një pikëshe 75-76, derisa sulmi i fundit i takonte Pejës.

Dhe në momentet më kritike, në skenë doli Alban Veseli, i cili morri përgjegjësinë mbi supe dhe shënoi në çastet më vendimtare për fitoren e Pejës.

Efikasiteti

Te Peja më efikasit sonte kanë qenë Alban Veseli dhe Roland Davis me nga 16 pikë të shënuara, ndërsa nga 12 kanë shënuar edhe Fisnik Rugova, Drilon Hajrizi e Kevin Burwell.

SKEMA E PLAYOFFIT

Te bardhekaltërit më efikasi ka qenë Andrew Warren me 16 pikë. Edmond Azemi ka shënuar 15 pikë sonte, ndërsa me 12 të shënuara ndeshjen e kanë përfunduar Dardan Berisha e Jason Washburn.

Seria finale

Me këtë fitore, Peja tani kalon në epërsi 1-0 të serisë finale të Play Offit.

Ndeshja e ardhshme e kësaj serie do të luhet në Prishtinë.

Statistikat ekipore

	KB PEJA	KB SIGAL PRISHTINA
Çereku i parë	23	15
Çereku i dytë	18	26
Çereku i tretë	16	20
Çereku i katërt	20	15
Kërcime	31	34
Asistime	14	19
Bllokada	2	1
Topa të vjedhur	9	6
Topa të humbur	12	16
Tentime për 3 pikë	9/27 (33%)	7/28 (25%)
Tentime nga loja	30/63 (48%)	25/64 (39%)
Tentime nga gjuajtjet e lira	8/11 (73%)	19/26 (73%)

Statistikat individuale te Peja

1	Roland Davis	16 pikë	7 kërcime	1 asistim
2	Alban Veseli	16 pikë	5 kërcime	3 asistime
3	Fisnik Rugova	12 pikë	6 kërcime	0 asistime
4	Drilon Hajrizi	12 pikë	8 kërcime	5 asistime
5	Kevin Burwell	12 pikë	3 kërcime	5 asistime
6	Nenad Delic	9 pikë	1 kërcim	0 asistime
7	Rron Grapci	-	-	1 bllokadë
8	Leonard Mekaj	-	1 kërcim	-

Statistikat individuale te Prishtina

1	Andrew Warren	16 pikë	5 kërcime	4 asistime
2	Edmond Azemi	15 pikë	5 kërcime	4 asistime
3	Dardan Berisha	12 pikë	5 kërcime	2 asistime
4	Jason Washburn	12 pikë	6 kërcime	2 asistime
5	Mohammed Abukar	9 pikë	3 kërcime	2 asistime
6	Willie Kemp	6 pikë	3 kërcime	5 asistime
7	Gazmend Sinani	2 pikë	4 kërcime	0 asistime
8	Stanimir Marinov	2 pikë	3 kërcime	0 asistime
9	Gerti Shima	2 pikë	0 kërcime	0 asistime