Finalja e femrave nis nesër

Të mërkurën pasdite është përcaktuar të luhet ndeshja e parë e serisë finale në Ligën e Femrave ndërmjet Prishtinës dhe Trepçës. 

Prishtina që eliminoi Bashkimin në gjysmëfinale 2-0, do të ndeshet me Trepçën që kaloi Penzën e Pejës në gjysmëfinale, gjithashtu 2-0. 

Ndeshja e parë do të zhvillohet në Pallatin e Rinisë dhe të Sporteve në Prishtinë me fillim në ora 18:15, nesër. 

Skuadra që arrin dy fitore e para, do të shpallet kampione e Kosovës për stinorin 2014/15, ndërsa Prishtina ka përparësinë e terrenit vendas. 

Prishtina me trajner Fidan Shatrin është kampione në fuqi e Kosovës në basketboll.