FINAL FOUR
Finalja e madhe
28 April, 2013 @13:04
Sigal Prishtina dhe Peja sonte do të dalin në mejdanin e parë final të stinorit. Dy ekipet që stinorin e kaluar u mposhtën në gjysmëfinale nga kundërshtarët e sivjetshëm, kësaj radhe morrën hakun.
Sigal Prishtina mposhti Trepçën bindshëm dhe ekipi i trajnerit, Ahmet Kandemir, tregoi lojë bindëse me të cilën pret edhe fitore në finale. Kapiteni i prishtinasve, Edmond Azemi, pas ndeshjes me Trepçën tha se, “Nëse luajmë kështu me zemër edhe në finale atëherë besoj që do ta fitojmë edhe atë.”
Në anën tjetër në taborin pejan kthimi i Blerim Mazrekut dhe 20 pikët e tija ndaj Sigkos Bashkimit japin shpresë të madhe për fitore dhe luftë nën kosh ndaj dyshes amerikane të prishtinasve, Julian Terrell dhe Akida McLain, ku ky i fundit kaloi ndeshjen më të mirë të stinorit ndaj Trepçës në gjysmëfinale.
Gjëja më e rëndësishme është se këto dy ekipe në përballjet e tyre gjatë stinorit e kanë mposhtur njëra tjetrën nga dy herë. Secila kishte fituar në palestrën vendase. E kjo do të jetë përballja e parë dhe e vetme në terren neutral që do të konfrimojë forcën më të madhe të basketbollit këtë stinor.
FINAL FOUR I KUPËS SË KOSOVËS - FINALJA
20:15, Sezai Surroi, Prizren | Sigal Prishtina - Peja |