Lojë nervash

Në finalen e sivjetme të Kupës së Kosovës do të përballen Sigal Prishtina dhe Peja. Ndryshe nga Prishtina, e cila jo me shumë vështirësi e mposhti Trepçën, Peja u desht të djerësitet mjaftë shumë për të shkuar deri në finale.

Në palestrën e stërmbushur në Prizren, pejanët fituan me rezultat të ngushtë 63-64, falë tre pikëshit vendimtar të Dardan Berishës edhe 4.7 sekonda pa përfunduar ndeshja.

Shqiponjat e filluan mirë ndeshjen duke mbajtur epërsinë në dy çerekët e parë dhe shkuan në zhveshtore pranë rezultatit 29-34.

Ritmi i lojës ndryshoi në çerekun e tretë kur skuadra e Bashkimit hyri në seri 8-0 dhe e riktheu rezultatin në të mirë të saj, falë 3 treshave të lituanezit Rokas Uzas.

Bashkimi në çerekun e katërt hyri me epërsi prej 8 pikësh (54-46), por këtë epërsi nuk arriti ta mbajë deri në fund të ndeshjes.

Peja e udhëhequr nga Blerim Mazreku e shkriu epërsinë e prizrenasve për ta bërë fundin e ndeshjes edhe më dramatik.

Pranë rezultatit 61-61, Kejuan Johnson dështoi në dy tentime nga vija e gjuajtjeve të lira, ndërsa më pas të njëjtën gjë e bëri edhe Mark Dawson. Megjithatë Bashkimi përsëri e kishte topin dhe kësaj radhe Rokas Uzas shënoi dy herë nga gjuajtjet e lira për rezultatin 63-61.

Në sulmin e fundit të Pejës, Dardan Berisha u tregua gjakftohtë dhe shënoi për tre pikë edhe 4.7 sekonda pa mbaruar ndeshja, derisa në sulmin e radhës prizrenasit ishin jo të saktë.

Në fund Peja fitoi me rezultat 63-64 dhe e siguroi biletën për në finale të Kupës së Kosovës që do të zhvillohet të dielën po ashtu në Prizren.

Intervista e Dardan Berishës pas ndeshjes.

FINAL FOUR I KUPËS SË KOSOVËS - GJYSMËFINALET:

SIGKOS BASHKIMI (Statistikat individuale)

PEJA (Statistikat individuale)