Të dy e meritonim

Dardani edhe njëherë tregoi se sa është i rëndësishëm për skuadrën pejane. Përkundër se Bashkimi kishte epërsi mbi dhjetë pikë kah fundi i ndeshjes, pejanët arritën të rikthejnë ndeshjen në sekondat e fundit për të dalë në finale. 

“Ia nisëm mirë ndeshjes dhe vazhduam kështu deri në fund të pjesës së parë, por pastaj erdhi një fazë kur Bashkimi dominoi dhe arriti ta ruante epërsinë që e krijoi. Mirëpo, në fund me mbrojtje të fortë ne arritëm që t’i bëjmë ballë dhe kthyem lojën në favorin tonë,” rifreskonte Dardani ndeshjen. 

“Mendoj se cilido ekip që do ta fitonte ndeshjen në këtë atmosferë fantastike, do ta meritonte atë, pasi ishte ndeshje shumë e mirë,” ka përfunduar ai deklaratën pas ndeshjes të dhënë ekskluzivisht për portalin tonë. 

Peja mposhti sonte Bashkimin me rezultat minimal 64-63. Peja në finale të Final Fourit të Kupës së Kosovës do të ndeshet me Sigal Prishtinën e cila mposhti dje lehtë Trepçën me 20 pikë epërsi.