Finalja në çerekfinale, superdueli

Pas një stinori mjaft interesant në fazën grupore të elitës së basketbollit europian, Euroleague, sot nis faza eliminatore e kësaj gare me ndeshjet çerekfinale. 

Barcelona, Armani Milano, Olympiacos dhe Panathinaikos nga Grupi E, bashkë me CSKA Moska, Real Madrid, Maccabi Tel-Aviv dhe Galatasarayin nga Grupi F do të përballen mes vete sipas pozitave që i zunë në grupet e tyre përkatëse për të gjetur katërshen e madhe që do të udhëtojë për Final Fourin e Milanos. 

Barcelona - Galatasaray dhe Real Madrid - Olympiacos (që është padyshim derbi më i madh i kësaj gare) do të përballen sonte në duelet çerekfinale, derisa nesër luajnë CSKA Moska - Panathinaikos dhe Armani Milano - Maccabi Tel Aviv. 

Të kujtojmë, përballja ndërmjet Olympiacosit dhe Real Madridit, ka qenë finalja e stinorit të kaluar të Euroleague, ku kishte triumfuar ekipi grek falë MVP-së së stinorit Vassilis Spanoulis. 

Gjithashtu dueli ndërmjet dy ‘njëshave’ më të mirë të Euroleague, Sergio Rodriguez dhe Vassilis Spanoulis pritet të jetë njëra ndër pikat që do të përcaktojë fituesin e përballjes - që do të përcaktohet pas tre fitoreve për cilindo ekip, nga maksimalisht pesë ndeshje.

ÇEREKFINALET, Euroleague:

Sonte 19:15	Barcelona - Galatasaray
Sonte: 21:00	Real Madrid - Olympiacos
Nesër: 18:00	CSKA Moska - Panathinaikos
Nesër: 20:45	Armani Milano - Maccabi Tel Aviv

TABELA PËRFUNDIMTARE, Grupi E:

1	Regal Barcelona	12 fitore	2 humbje
2	E. Armani Milano	10 fitore	4 humbje
3	Olympiacos	8 fitore	6 humbje
4	Panathinaikos	7 fitore	7 humbje
5	Unicaja	6 fitore	8 humbje
6	Fenerbahçe	6 fitore	8 humbje
7	Laboral Kutxa	5 fitore	9 humbje
8	Anadolu Efes	2 fitore	12 humbje	*Pozitat 1-4 janë kualifikuar për çerekfinale

TABELA PËRFUNDIMTARE, Grupi F:

1	CSKA Moska	12 fitore	2 humbje
2	Real Madrid	11 fitore	3 humbje
3	Maccabi Tel Aviv	8 fitore	6 humbje
4	Galatasaray	7 fitore	7 humbje
5	Lokomotiv Kuban	7 fitore	7 humbje
6	Bayern Munchen	5 fitore	9 humbje
7	Partizan Beograd	4 fitore	10 humbje
8	Zalgiris Kaunas	2 fitore	12 humbje	*Pozitat 1-4 janë kualifikuar për çerekfinale