Fitore dramatike

Sigal Prishtina ka arritur të shënojë një fitore tejet dramatike sonte, përkundër se kishte mundur atë që ta merrte shumë më lehtë. 

Në fakt, është dashur rishikimi i inçizimit nga referët e ndeshjes të sekondave të fundit për të vërtetuar se a e shënoi ekipi maqedon pikën e fundit të takimit para apo pas përfundimit të kohës, që luante me të qindtat e sekondës. 

E pastaj u pa gëzimi i ekipit të Ceyhun Cabadak që regjistroi fitoren e pestë të saj në mënyrë tejet dramatike ndaj Kozuvit 83-85. 

Ndeshja ishte e barabartë në çerekun e parë, derisa Sigal Prishtina e përfundoi krejt në fund me epërsi të lehtë dypikëshe. E në çerekun e dytë në skenë doli Dardan Berisha me snajperët e tij, duke përfunduar pjesën e parë me 14 pikë diferencë për prishtinasit. 

Çereku i tretë ishte i barabartë me pikë të shënuara nga të dyja palët, të cilën Prishtina e përfundon me 13 pikë epërsi në rezultatin e përgjithshëm 57-70. Por, në çerekun e fundit vërehet një rënie e madhe nga loja e Kendrick Jones, i cili gabonte disa herë pakuptueshëm, që rrezikoi fitoren në masë të madhe. 

E në sekondat e fundit të ndeshje, pranë rezultatit 83-85, Kozuv pati rastin ideal për fitore, derisa Igor Mijajlovic dështon nga shuti i tij për tre pikë, e topin e fituar që e shënon Slobodan Bozovic nga afërsia nuk e pranon gjyqtari i ndeshjes, pasi kishte përfunduar ndeshja, të qindtat e sekondës para se të shutonte ai. 

Kendrick Jones dhe Dardan Berisha ishin më efikasit te Sigal Prishtina me 21, përkatësisht 20 pikë të shënuara, derisa te kundërshtari i tyre serbi Miladin Pekovic ishte koshashënuesi më i mirë i ndeshjes me 23 pikë të shënuara. 

Me këtë fitore Sigal Prishtina merr kreun e tabelës bashkë me ekipin tjetër maqedon, Kumanovo, që u mposht nga Levski sonte pas pesë fitoreve me radhë. 

Rezultatet dhe tabela aktuale.

Video

Sulmi i fundit i skuadrës së Kozuvit kur kanë mbetur edhe 9 sekonda deri në fund të ndeshjes.

Statistikat ekipore

	Kozuv	Sigal Prishtina
Çereku i parë	24	26
Çereku i dytë	13	25
Çereku i tretë	20	19
Çereku i katërt	25	15
Kërcime	22	35
Asistime	13	14
Bllokada	1	-
Topa të vjedhur	7	5
Topa të humbur	8	13
Tentime për tre pikë	10/30	12/21
Tentime për dy pikë	19/32	19/40
Tentime nga gjuajtjet e lira	15/19	11/20

Statistikat individuale te Kozuv

1	Miladin Pekovic	23 pikë	1 asistim
2	Slobodan Bozovic	16 pikë	6 kërcime
3	Igor Mijajlovic	13 pikë	5 kërcime	3 asistime
4	Austin Lee Dufault	11 pikë	3 kërcime	3 asistime
5	Dimitar Karadjovski	11 pikë	2 asistime	1 kërcim
6	Vladimir Filipovic	5 pikë	4 kërcime
7	Igor Penov	2 pikë	3 asistime	1 kërcim
8	Aleksandar Shterjov	2 pikë	1 kërcim

Statistikat individuale te Sigal Prishtina

1	Kendrick Jones	21 pikë	6 kërcime	4 asistime
2	Dardan Berisha	20 pikë	4 kërcime	1 asistim
3	Tay Waller	10 pikë	3 kërcime
4	Blerim Mazreku	8 pikë	4 kërcime	2 asistime
5	Alban Veseli	8 pikë	2 kërcime
6	Aurimas Kieza	6 pikë	7 kërcime	2 asistime
7	Edmond Azemi	5 pikë	1 kërcim	1 asistim
8	Fisnik Rugova	4 pikë	3 kërcime
9	K'Zell Wesson	2 pikë	4 kërcime	3 asistime
10	Muhamed Hasani	1 pikë	1 kërcim	1 asistim