FERIZAJ
Fitore jetike e Kastriotit
21 February, 2015 @21:18
Skuadra e Kastriotit mban ende gjallë shpresat për mbijetesë këtë stinor në Superligë.
Ekipi i udhëhequr nga trajneri Jeton Nixha ka arritur të shënojë fitoren e parë të stinorit ndaj Besës së Pejës, duke e mposhtur me rezultat 88-79.
Besa ishte ajo që kishte epërsinë në pjesën e parë të ndeshjes, duke mbajtur distancën 4-5 pikëshe, gjatë pjesës më të madhe të 20 minutëshit të parë të lojës, por para pushimit, pjesa e parë përfundoi 38-39 në të mirë të pejanëve.
Çereku i tretë i takoi Kastriotit prej ku ferizajasit morrën epërsinë, ndërsa Besa përkundër të gjitha mundimeve në fund nuk arriti të dalë fituese.
Kjo ka qenë fitorja e parë e Kastriotit në këtë stinor ndaj Besës, ndërsa tash të dyja skuadrat e fundit të tabelës kanë bilanc të njejtë të fitoreve dhe humbjeve 3-17.
