Fitore më e lehtë se që mendohej për Vëllaznimin

Skuadra e Vëllaznimit e ka përmbyllur me fitore pjesën vjeshtore të Superligës.

Kuqezinjtë nga Gjakova arritën ta mposhtin me rezultat të thellë skuadrën e Besës, e cila ndryshe nga ndeshja e fundit kundër Kastriotit ku arriti të shënojë fitore, në këtë ndeshje u tregua e pafuqishme për të arritur fitoren e radhës.

Vëllaznimi që nga fillimi i ndeshjes ishte dominant në takim, derisa në fund të çerekut të parë epërsia e gjakovarëve ishte 13 pikë, epërsi kjo e cila gjatë gjithë kohës deri në përfundim të ndeshjes mbeti dyshifrore, duke arritur në disa raste edhe mbi 20 pikë.

Dino Hodzic ishte i pandalshëm në këtë ndeshje duke shënuar gjithsej 31 pikë, derisa atij iu shoqërua edhe Korab Prekazi që shtoi 23 pikë të tjera për Vëllaznimin.

Tek Besa, Blendi Matoshi ishte koshashënuesi më i mirë me 18 pikë, kurse amerikanët Armstrong dhe Freeman, kësaj radhe nuk lanë shumë përshtypje të mira me lojën e tyre.

Me këtë fitore Vëllaznimi e përfundon stinorin vjeshtor me 5 fitore dhe 9 humbje, derisa Besa mbetet e parafundit në tabelë me dy fitore më pak se gjakovarët.

Rezultatet dhe tabela aktuale.

REZULTATETI

Koshashënuesit te Vëllaznimi

Koshashënuesit te Besa