Dramë në Suharekë, Bashkimi fiton pas vazhdimeve

Skuadra e Bashkimit për pak sa nuk u befasua në Suharekë, në përballje me Yllin.

Prizrenasit të udhëhequr nga dyshja Kejuan Johnson dhe Mikaile Tmusic, arritën ta mposhtin Yllin vetëm pas vazhdimit pesë minutësh, duke u kthyer në shtëpi me fitore.

Pjesa e parë e ndeshjes ishte kryesishte e barabartë, ku herë njëra e herë tjetra skuadër kalonte në epërsi me rezultat kryesisht të ngushtë, ndërsa në pushim Bashkimi shkoi me epërsi një pikëshe, 38-39.

Me të filluar çereku i tretë, Bashkimi filloi të dominojë duke krijuar epërsi deri në 12 pikë, 42-54, por në 3 minutat e fund të kësaj periudhe vendasit krijuan seri prej 13-1, për ta pritur çerekun e fundit pranë rezultatit të barabartë, 55-55.

Ylli e ruajti këtë ritëm edhe në fillim të çerekut të katërt, duke krijuar epërsi deri në 10 pikë, 71-61, por më pas trepikëshi i Imer Tahirit dhe pikët e njëpasnjëshme të Kejuan Johnson, bënë që të shkrihet dallimi i pikëve.

Vetëm dy minuta para fundit, rezultati u barazua në 73-73, për t’u shfaqur një dramë e vërtetë për të pranishmit e shumtë në palestër.

Më pas Ylli me anë të amerikanit Malcolm Canada, shënoi 6 pikë, derisa Bashkimi u kundërpërgjigj me dy trepikësha nga Tmusic dhe Popovic, për të shkuar ndeshja në vazhdim 5 minutësh.

TABELA AKTUALE

E në vazhdime Bashkimi u tregua më i përqëndruar dhe më pak i lodhur nga loja, derisa punët për Yllin u vështirësuan edhe më shumë për shkak të largimit të Erris Nushit dhe Altin Morinës me nga pesë gabime personale.

Në fund, Ylli - Bashkimi 89-95.

MË TË DALLUARIT

Kejuan Johnson ishte më i miri te Bashkimi, pasi luajti me 33 pikë, 8 kërcime e 12 asistime, derisa u ndihmua edhe nga Mikaile Tmusic që shënoi 26 pikë.

Kurse te Ylli u dalluan Malcolm Canada dhe Urim Zenelaj, që shënuan 26, përkatësisht 23 pikë.

YLLI

BASHKIMI