BULLS vs PACERS
McDermott 23 pikë, Bulls kalon Pacersat
30 October, 2016 @8:12
Skuadra e Chicago Bulls ka shënuar fitore të radhës, duke e mposhtur Indiana Pacersin 118-101 sot në United Center.
Doug McDermott me 23 pikë të shënuara (5 treshe) ka qenë më efikasi te Chicago, derisa ka shtuar edhe 4 kërcime e 3 asistime në kontributin e tij për fitore.
Jimmy Butler shënoi 16 pikë, Dwyane Wade 14, ndërsa Rajon Rondo shënoi 6 pikë e regjistroi plotë 13 asistime në këtë fitore.
Te Indiana, Paul George dhe Myles Turner, shënuan nga 20 pikë secili, pamjaftueshëm për fitoren e ekipit.
