TREPÇA - RAHOVECI
Trepça kalon me lehtësi Rahovecin
29 October, 2016 @19:21
Trepça ka regjistruar fitoren e saj të tretë në Superligë.
Minatorët e mposhtën pa shumë problem debutuesin e Superligës, Rahovecin, i cili në këtë ndeshje nuk e kishte ndihmën e basketbollistit amerikan, Cameron Solomon.
Trepça që nga çereku i parë ishte mbizotëruese në lojë, duke krijuar epërsi deri në 13 pikë, 21-8, ndërsa në vazhdim diferenca u thellua edhe më shumë, për ta mos rrezikuar për asnjë çast fitoren e mitrovicasve.
Tre basketbollistë të Trepçës, e përfunduan ndeshjen me pikë të njëjta, duke qenë koshashënuesit më të mirë të skuadrës.
Jeremy Wise, Montrael Scott dhe Samir Zekiqi, e përfunduan ndeshjen me nga 16 pikë secili.
Ndërsa te Rahoveci, Muhamed Hasani si zakonisht ishte më i dalluari, me 20 pikë të shënuara, por që kësaj radhe i mungoi ndihma nga bashkëlojtarët e tij.
Me këtë fitore, Trepça ngjitet në pozitën e dytë menjëherë pas lideres, Pejës, por që me një ndeshje më shumë se Bashkimi, i cili nesër do ta zhvillojë ndeshjen e kësaj xhiroje ndaj Yllit.
Javën e ardhshme pikërisht Bashkimi është rivali i radhës i Trepçës, ndërsa Rahoveci e pret Pejën.
TREPÇA
| 1 | Jeremy Wise (30:26) | 16 pikë | 4 kërcime | 6 asistime |
| 2 | Montrael Scott (21:11) | 16 pikë | 1 kërcim | 2 asistime |
| 3 | Samir Zekiqi (18:47) | 16 pikë | 2 asistime | - |
| 4 | Frederic Stutz (24:27) | 11 pikë | 5 kërcime | 1 asistim |
| 5 | Burim Zekiqi (11:56) | 9 pikë | 1 kërcim | - |
| 6 | Arian Tahiri (13:50) | 5 pikë | 1 asistim | - |
| 7 | Nikola Ljujic (17:57) | 4 pikë | 1 kërcim | 2 asistime |
| 8 | Valdrin Haxhiu (25:06) | 3 pikë | 2 kërcime | 3 asistime |
| 9 | Arian Mehmeti (7:38) | 3 pikë | 1 kërcim | - |
| 10 | Albelard Rashiti (10:51) | 2 pikë | 1 asistim | - |
| 11 | Mise Diminic (12:53) | 0 pikë | 4 kërcime | 1 asistim |
| 12 | Agon Selmani (4:45) | 0 pikë | 1 kërcim | 1 asistim |
RAHOVECI
| 1 | Muhamed Hasani (35:02) | 20 pikë | 4 kërcime | 4 asistime |
| 2 | Albatrit Berisha (34:36) | 10 pikë | 5 kërcime | - |
| 3 | Mustafë Merovci (28:59) | 10 pikë | 4 kërcime | - |
| 4 | Arion Balluku (29:05) | 6 pikë | 3 kërcime | 2 asistime |
| 5 | Besnik Sharku (28:09) | 4 pikë | 1 kërcim | 1 asistim |
| 6 | Valon Bunjaku (15:51) | 3 pikë | 1 kërcim | - |
| 7 | Ardit Beqiri (5:16) | 0 pikë | 1 kërcim | - |
| 8 | Driton Bajrami (18:42) | 0 pikë | 1 kërcim | - |
| 9 | Ujkan Karanezi (4:09) | 0 pikë | - | - |
| 10 | Alban Latifaj | - | - | - |
| 11 | Yll Gashi | - | - | - |
| 12 | Albion Metbala | - | - | - |
