CAVS vs MAGIC
Kalojnë edhe magjinë, 3-0
30 October, 2016 @8:19
Cleveland Cavaliers, kampion aktual i NBA, ka vazhduar me formën e mirë në fillim të stinorit duke shënuar edhe një fitore.
Kësaj radhe, më vështirë sesa që menduan, ata mposhtën Orlando Magicun, me vetëm 6 pikë dallim në fund.
LeBron James shënoi 23 pikë e 9 asistime në këtë fitore të ekipit të tij, ndërsa me 20 pikë të tjera kontribuoi Kyrie Irving, e me 19 Kevin Love.
Te Orlando, që luftoi mjaft për të befasuar kampionët Evan Fournier ka qenë më efikasi me 22 pikë të shënuara, ndërsa Serge Ibaka shtoi 19 e D. J. Augustin 13 pikë të tjera.
