TAHIR BATATINA, PAS NDESHJES
Fitorja e 100-të, Batatina i lumtur
19 October, 2021 @15:52
Trajneri i skuadrës së Llapit, Tahir Batatina, ka bërë të ditur se është i lumtur me fitoren në ditën speciale për të.
Kjo ka qenë fitorja e 100-të e Llapit me Batatinën kryetrajner dhe ai është shprehur i lumtur dhe se kjo ndeshje do të jetë një kujtim i bukur për të.
“Emocionet janë të mëdha kur e fiton kështu ndeshjen dhe arrin fitoren e 100-të, është një kujtim i bukur. Jemi angazhuar maksimalisht të gjithë. Ndeshja për ne përfundoi në pjesë të parë, qëllimi ka qenë të mos pësojmë gol dhe tash mendojmë për duelin e radhës,” ka bërë të ditur ai menjëherë pas fitores së thellë sot ndaj Ulpianës, 0-5.
