Fitorja e parë e Orges Shehit, Llapi në zonën e rrezikshme!

Fitore për Ballkanin pas tri xhirove dhe tjetër humbje për Llapin!

Sot skuadra suharekase fitoi 2-1 (Bajram Jashanica (P) 33’, Queven Inacio 60’ / Ardit Tahiri 74’ ) ndaj Llapit, për t’ia thelluar këtij të fundit edhe më tepër krizën. Tash, llapjanët shkojnë në 10 xhiro pa fitore!

Goli i vetëm i pjesës së parë u shënua nga kapiteni Bajram Jashanica, i cili u tregua i saktë nga pika e bardhë në minutën e 33’ të ndeshjes.

TABELA AKTUALE

Vendasve fitoren ia vulosi goli i Queven Inacio Da Silvës në minutën e 60’, ndërkohë që për mysafirët golin e vetëm e shënoi Ardit Tahiri me kokë në minutën e 74’. Suharekasit nuk lejuan pranimin e një goli të vonshëm të barazimit dhe e mbyllën ndeshjen me triumf.

Fitorja e shënuar sot ishte e para e Ballkanit nën drejtimin e Orges Shehit. Me këtë fitore Ballkanit rikthehet në vendin e dytë në renditje, me Malishevën që zbret në të tretin. Në anën tjetër, Llapi befasisht por me meritë e sheh veten mes skuadrave që po luftojnë për mbijetesë!