Hidhet shorti, kuptohen çiftet në të tetën e finales!

Posa ka përfunduar shorti i Kupës së Kosovës në futboll, ndërsa në tërheqjen e bërë në zyret e FFK-së që nisi prej orës 14:00 janë tërhequr goglat që kanë zbardhur duelet e së tetës së finales së Kupës.

Në këtë fazë të garës janë kualifikuar 16 skuadra, prej tyre nëntë të Superligës dhe shtatë të Ligës së Parë, e të cilat do të synojnë të sigurojnë një vend në çerekfinale. Ekipet pjesëmarrëse në këtë fazë janë: Drita, Dukagjini, Drenica, Vushtrria, Llapi, Ferizaj, Vëllaznimi, Gjilani, Prishtina, Rilindja 1974, Prishtina e Re, Feronikeli 74, Suhareka, Malisheva, Dinamo dhe Trepça.

Përballjet, pritet të jenë interesante dhe luhen me një ndeshje - fituesi i së cilës shkon në çerekfinale të garës. Kështu, në përballjet e së tetës së finales dhe për ekipet që do të kërkojnë biletat për në çerekfinale janë shortuar:

ÇIFTET E KUPËS SË KOSOVËS (1/8 E FINALES):

Llapi - Vushtrria,
Ferizaji - Rilindja 1974,
Vëllaznimi - Gjilani,
Feronikeli’74 - Prishtina e Re,
Prishtina - Suhareka,
Drita - Dukagjini,
Dinamo - Malisheva,
Trepça - Drenica.

(ndeshjet do të luhen në shkurt të vitit 2025)