Fitorja e parë sezonale për ekipin e Spaqit

Me double-double të Don Polloshkës dhe Dion Haxhosajt, AS Prishtina e drejtuar nga Valentin Spaqi ka shënuar fitoren e parë sezonale, duke e fituar ndeshjen ndaj Feronikelit me 43 pikë dallim, 107-64 [25-24, 35-8, 36-13 dhe 11-19].

Pas çerekut të parë të kaluar ngushtë, AS Prishtina shtrëngoi mbrotjen dhe rezultati përfundimtar nuk u diskutua deri në fund të lojës, kurse trajneri Spaqi i dha rast të gjithë lojtarëve nga banka të kenë minutazhë në këtë përballje.

Polloshka luajti me 24 pikë e 11 kërcime, ndërsa 30 pikë (më efikasi i ndeshjes) shënoi Dion Haxhosaj, duke regjistruar edhe 24 kërcime!!!

TABELA AKTUALE

Feronikeli i drejtuar nga trajneri Dreshaj është mbajtur në lojë falë Kreshnik Tiganit që dha 17 pikë e bëri tetë kërcime, si dhe Bunjan Haskut që shënoi 14 pikë.

Me këtë fitore, AS Prishtina ka regjistruar të parën sezonale dhe ka bërë bilansin 1-2, ndërsa Feronikeli mbetet i fundit në renditje dhe tash ka bilans 0-3.