“Gabimet e thjeshta vendosën”

Trajneri që debutoi në basketbollin kosovar dhe i huaji i parë që po drejton KB Prizrenin, Tuncay Bostanci, ka vlerësuar që gabimet e thjeshta ishin arsye pse ekipi i tij u mposht nga Peja në kuadër të çerekfinales së Superkupës së Kosovës.

“Jemi ekip i ri. Mendoj se luajtëm mirë, por bëmë gabime të thjeshta. Kemi humbur gjuajtje të lira, kjo është ndër kryesoret. Në ndërkohë do të bëhemi edhe më të mirë. Kemi ekip të ri dhe do të fokusohemi në ligë tash e tutje. Kemi humbur për shkak të gabimeve të thjeshta, humbje topi, kërcime në sulm, etj.” — ka thënë ndër të tjera Bostanci.