Gjakovarët humbin kapitenin

Edhe pse fituan për herë të tretë Kerasanin këtë stinor, skuadra e Vëllaznimit e mbylli dhimbshëm ndeshjen në Prishtinë, pasi që mbetën pa kapitenin. 

​Driton Rraci lëndoi tendinën e këmbës dhe u largua nga ndeshja në çerekun e fundit të takimit ndaj Kerasanit. 

Në një konfirmim zyrtar për Borozanin, Rraci deklaroi që lëndimi i tij është serioz dhe ka nevojë për intervenim mjeksor. Operimi do të bëhet nesër (të mërkurën). Sipas të gjitha gjasave ky lëndim do ta mbajë kapitenin jashtë parketit deri në fund të këtij sezoni. Mungesa e tij do të jetë një hendikep i madh për skuadrën gjakovare, duke marrë parasysh faktin që Driton Rraci është një nga shtyllat e skuadrës në sezonet e fundit.

Rraci këtë ndeshje e kishte përfunduar me 3 pikë, 10 kërcime e 2 asistime.